其實毛記電視同100毛, 對小弟都算有情有意, 轉播次數和厚愛有加, 簡直三生有幸! 最新賜酒力作, 就是小弟在Facebook踢爆土耳其航空公司上面, 提供 Free Wife的潮文一篇。又被毛記睇中喇!
“項大作家又有新搞作，上次去完日本搭火車有感而發咁話廢青幾攰都唔係坐底嘅理由，今次搭飛機又有新發表喇！下面班網民都不知幾羨慕佢呀，唔知項生係唔係掛住喺飛機上面享受free wife嘅夫妻之禮唔記得connect wifi改返個status佢呢!”, 數小時內就有過千個轉發!
100毛再轉: “三萬尺高空上嘅免費人妻，真係諗起都浪漫～”!
睇通睇透的健吾開心分享: “廣告呢家野，我地識條春？XDDD” 再加多一句: “真係 #曲線要寫明？”
推、推、推, 終於推上報! 今時今時, 有過千分享的網絡熱門話題, 怎麼不會有傳媒留意?當天就有兩間報社都親自用whatsapp問身處土其耳的我回應:
“網民昨午見到James喺fb上話，土耳奇航機上有「free wife」之後，人人瘋傳，紛紛留言，有人高呼「艷福無邊。」，有人話「呢次發達啦」，更有女網民唔知係咪恨嫁，留言問：「有免費老婆，咁有無免費老公呢？」。James透過WhatsApp同小妹講，其實佢享用飛機上嘅WiFi，專登學內地同越南嘅網友將WiFi寫成wife，一心帶歡樂畀大家，係搞笑之作，佢對小妹話，實情機上係無「free wife」嘅，不過「free WiFi」就真係幾快！”《頭條日報》
“八方問過項明生，佢講笑話帶畀巴絲打歡樂，係佢崇高理想，而且航空公司仲打電話多謝佢「用幽默手段曲線宣傳」。果然，認真就輸鳥。” 《蘋果日報》
我一邊逛土耳其奇石林、入住洞穴岩石皇宮酒店, 一邊用 #csl 漫遊服務看家鄉的巴絲打們熱烈討論, 雙重享受! 戲份發展到這裡, 大家可能會問, 結果呢?土耳其航空公司的高層, 笑到呵呵呵, 然後多謝我, 因為不必花巨額廣告費, 已經有幾十萬網民知道了他們的新服務: 空中免費Wifi! 所以巴絲打下次去歐洲或中東, 記得選擇呢間有「免費老婆」的航空公司了!