呢排同朋友食飯, 談資離不開香港政局。好在我的朋友光譜由淺黃到深藍都不乏, 政商媒界到勇武衝擊派, 無任歡迎討論, 才令每餐飯局收穫豐富。我曾在此欄中抱怨過, FB的feeding policy變成同溫層的回音墻, 令人變得盲目而衝動,所以建議大家多點同對方陣營(包括家人朋友)握手吃飯, 理性討論, 了解軍情。除了一種僵屍人, 麻木冷感, 自稱中立無意見。冬涼夏熱、冷暖自知, 屋企目前處於水深火熱之中, 至今可以眼盲耳聾心靜如水的香港人應該都不是活人了!
昨天廢老聚餐, 為嚮應葉劉口中 「隱形、非常精密嘅犀利大佬指揮」, 齊齊上TG!不是泰航(也簡稱TG), 劍指外國勢力Telegram! 每天跟蹤各大陣營的channel, 資訊比網媒、媒介更加第一手。我終於加入了大佬陣營, 發現Whatsapp、IG及FB成日死機, TG就安全穩定, 而且支援多平台, 雖然要經電話號碼註冊，但亦可設定 username，不需要交換電話號碼來通訊，類似 Snapchat閱後即焚, 私隱度高。到了週末, 我就三屏齊開, 電視機長開有線新聞, 一部iPad睇各大網台直播, 一部iPad mini睇TG更新, 果然非常精密!
