乜又係你呀鄭經理

20170804

對一個徐娘半老、風韻猶存的Dying City來講,最就手的動作就是集體回首(或者叫二創)、最性感的low hanging fruit就是惡搞、最環保就是搵番黃金時代粵語樂壇。

2000年,上最沉悶的英文課,Miss Chan正在寫黑板時,忽地有個男同學「噗」地笑了出來!Miss回頭一望,馬上就安靜了。Miss當然估到,某同學張書枱上面,某一張A4功課紙下面,總有一本細過A4紙的《Yes》!最大嫌疑犯是一個叫「華少」的猥瑣奇葩,扮鬼扮馬扮女人,惡搞當時事業巔峰的天后 「鄭瘦人」、日劇天王「肉酸拓腮」等。網絡二創之鼻祖,啜核程度遠超王祖藍。

2017年,當年的《Yes》中學生已經成為中環白領一族,優先理財的準目標。怎麼令這白領精英由HSBC轉移一球過來呢?毛記獻計唱番華少惡搞版《姨婆掉眼淚》,用粗鄙二創歌詞赤裸雙拼產品植入。錢多就是任性,所以#乜又係你呀鄭經理?仲拍條惡搞17年前自己作品的網絡短片,不知是可笑還是可悲。

4A不懂、大台不屑,惡搞集體回憶Hit到將毛記推到上市。上市推手仲有去年300萬Hit的黎明惡搞《情深說話未曾講》(原曲:1996年),可憐下一步,應該仲有牙膏金融地產搵Sam&Tam城城排住隊來,直到Hit跌到單位數字。