“雞記? 大象? 執苙佑十世喇!”
貨Van司機忿忿不平, 十分鐘前他也是用GogoVan秒速搶旗, 接到我的單。
“最衰就是GogoVan! 一將功成萬骨枯, 前兩年用免台費的方法, 打沉全港電召貨Van! 現在有三萬多司機登記就開始收費, 我一日搵1500元，就要比Gogo Van 300元。我以前交台費給東方電召, 只需要固定月費1400元! 你計下, 現在多了幾多開支?”
但對乘客來講, GogoVan收費, 當然比以前要打上台問 “台姐”報價, 透明便宜得多! 我以前用雞記要290元, 但GogoVan只要 210元!
“以前我做四五個鐘就賺夠可以收工，，，要踩足十個鐘! 四萬月入，供車養車二萬，一個月只搵到二萬元!”
“你為什麼不轉做Uber?”
“Uber仲狼, 扣司機25%收入，而且只限五年車登記, 現在只是有錢仔玩意兒!”
昨晚去銅鑼灣IKEA 購物, 員工雖快收工，仍然推我買的書檯到的士站。GogoVan未到，他也不介意在路邊陪我等。等了三個字，然後搬家俬上車。我主動比貼士，他堅拒。要知道，我只買了一張二百多文的書檯! 必須稱讚。簡直有日本服務業水準!
為報導公平起見, 我問了GogoVan創辦人Steven, 他澄清只收司機10%, 即是$1500生意只抽佣金$150而已。