人生第一次

人生到了這個階段, 還有 “第一次”, 真係夫復何求?
認識過百位模特兒, 自己也做過多次平面模特兒或廣告模特兒, 正式行正式Catwalk真係第一次, 著和服行更加是萬中無一。
由日本京都府主辦的 “京都文化體驗館”, 上週未在崇光舉行。十分榮幸地, 我作為唯一的男模特兒, 和高海寧、Rei以及Kayi一齊行秀。鎂光燈下, 我一個人拖三個 “老婆”, 貌似十分風光, 其實辛苦自己知。台上十分鐘, 台下準備就超過二小時。提前三小時到場, 開始化妝、Set頭、著和服、彩排、等候出場。一天行兩場Fashion Show, 前後就花了六小時。大部份時間都泡在後台吹水, 於是同工作人員、化妝師、模特兒都混熟了。
六個小時, 我平時已經寫了六篇專欄或文章, 或者談了一單生意回來。作為一個企管人和作家, 有機會用兩天時間領略一下真正做另一行的滋味, 我不介意。但要我全職做模特兒, 我就吃不消這般長時間的等待。差點忘了, 本週五還有我的另一個 “第一次”。逢週五晚10時30分至11時商業一台，有我第一次開咪主持深度旅遊節目《全世界嚮導》。